Skip to main content

    በስመ አብ ወወልድ ወመንፈስ ቅዱስ አሐዱ አምላክ ABGELAUFEN SEIT 06.09.2020

    07.09.2020 Top news Media info
    በስመ አብ ወወልድ ወመንፈስ ቅዱስ አሐዱ አምላክ

    ወትባርክ አክሊለ ዓመተ ምሕረትከ በቸርነትህ ዓመትን ታቀዳጃለህ፡፡ መዝ. ፷፬÷፲፩ በሀገር ውስጥና በውጩ ዓለማት የምትኖሩ ክቡራንና ክቡራት ኢትዮጵያንና ኢትዮጵያት በሙሉ በቸርነቱ ዓመትን የሚያቀናጅ ልዑል ባሕርይ ቸሩ አምላካችን እግዚአብሔር እንኳን ከዘመነ ቅዱስ ዮሐንስ ወንጌላዊ ፳፻፲፪ ዓ.ም ወደ ዘመነ ቅዱስ ማቴዎስ ዜናዊ ፳፻፲፫ ዓ.ም በሰላም፤ በሕይወት በጤና አደረሳችሁ!

    “የዳነች ሰውነት፤ ተርባም የጠገበች ሰውነት ታመሰግንሃለች” ባሮክ ም.፪ ቁ.፮ ክቡራንና ክቡራት ኢትዮጵያውያንና ኢትዮጵያት ሁላችሁም አምላካችን በቅዱስ መጽሐፍ “ብዝኃ ጠበብት መድኃኒተ ዓለም ውእቱ” (የጥበበኞች መብዛት ለዓለም መድኃኒት ነው) ብሎናልና በዘመናችን በዓለም የተከሰተውንና የሰዎችን ሕይወት እየቀጠፈ ያለውን የኮሮና ቫይረስ ለመከላከል የነፍስ ዶክተሮች ካህናትን፤
    የሥጋ ዶክተሮች የጤና ባለሙያዎችን ምክርና ትእዛዝ ተቀብለን ተግባራዊ ልናደርግ ይገባናል እንላለን፡፡
    ከዚህም በተጨማሪ
    በመረዳዳትና በመተዛዘን፤ በመከባበርና በመፋቀር፤ በእኩልነትና በአንድነት፤ ገበሬው አርሶ እንዲያመርት፤ ነጋዴው ነግዶ እንዲያተርፍ፤ ሐኪሙ እንዲያክም ሕመምተኛው ታክሞ እንዲድን፤ መምህሩ እንዲያስተምር ተማሪው ተምሮ በዕውቀት እንዲልቅ፤ ሰው ሁሉ የየዕለት ተግባሩን እንዲፈጽም ሰላም ወሳኝ ነው፡፡
    የሰላም መሠረቱ ደግሞ ይቅርታ ስለሆነ ጌታችን መድኃኒታችን ኢየሱስ ክርስቶስ ተበድሎ ይቅር እንዳለን ሁሉ እኛም የበደለንን ሁሉ ይቅር እንድንል “እናንተ ይቅር ብትሉ ሰማያዊ አባታችሁ የእናንተንም ኃጢአት ይቅር ይላችኋል፤ የሰውን ኃጢአት ይቅር ባትሉ ግን ሰማያዊ አባታችሁ ይቅር አይላችሁም” በማለት ተወስኖልናልና ይቅር ማለት የመጀመሪያ ጥቅሙ ለራሳችን ስለሆነ የፍቅር ባለቤት፤ የሰላም ንጉሥ፤ ሰላማዊ ኢየሱስ ክርስቶስ ሰላሙን እንዲሰጠን፤ ሰላሙን እንዲያጸናልን፤ ኃጢአታችን ሁሉ ይቅር እንዲለን ይቅር እንባባል፡፡

    ማቴ.፮፦ ፲፬—፲፭
    እግዚአብሔር አምላካችን “ዐይነ ኵሉ ነፍስ ይሴፎ ኪያከ የሁሉ ዐይን አንተን ተስፋ ያደርጋልና” ዘመነ ቅዱስ ማቴዎስ ፳፻፲፫ ዓ.ምን የሰላም፤ የጤና፤ የበረከት፤ የልማትና የእድገት ዘመን አድርግልን! አሜን፡፡
    ሰላመ እግዚአብሔር ከሁላችን ጋር ይሁን !!!

    ‹ Back to List