Skip to main content

ኮሚሽኑ በአንኮበር ወረዳ ጎረቤላ ከተማ የፆታ እኩልነትና ውሳኔ ሰጭነት ላይ ያተኮረ የግንዛቤ ማስጨበጫ ውይይት አካሄደ፡፡

03.11.2021 Media info Top news
 ኮሚሽኑ በአንኮበር ወረዳ ጎረቤላ ከተማ የፆታ እኩልነትና ውሳኔ ሰጭነት ላይ ያተኮረ የግንዛቤ ማስጨበጫ ውይይት አካሄደ፡፡

በልማት ኮምሽኑ የሰሜን ሸዋ ሀገረ-ስብከት ልማት ማስተባበሪያ ጽ/ቤት በስሩ ከሚገኙ የልማት ፕሮጀክት መካከል የአንኮበር የአየር ንብረት ለውጥና የኑሮ ማሻሻያ ፕሮጀክት አንዱ ነው፡፡

በፕሮጀክቱ የተያዘውን እቅድ ለማሳካት በቤተሰብ ደረጃ የጾታ እኩልነት እንዲሁም የጋራ ውሳኔ ሰጪነት ለማስረፅ እንዲያስችል የግንዛቤ ማስጨበጫ ውይይት አድርጓል፡፡ውይይቱ በአንኮበር ወረዳ አስተዳደር መሰብሰቢያ አዳራሽ የተካሔደ ሲሆን በአንኮበር ወረዳው ከሚገኙ ከስድስት የገጠር ቀበሌዎች (መሐሎንስ፣ ደብደቦ፣ ጨፋ፣አልዩ አምባ፣ዋሻና ጎርጎ)የተወጣጡ 100 አርሶ አደር ቤተሰቦች ጋር የግንዛቤ ማስጨበጫ ውይይት በጥቅምት 21 ቀን 2014 ዓ.ም ተደርጓል፡፡1

የኮሚሽኑ የስርዓተ ፆታ ባለሞያ የሆኑት ወ/ሮ መስከረም ተካ እንዲሁም የፆታዊ ጥቃት መከላከል ባለሞያ የሆኑት አቶ ሳሙኤል ህሩይ የግንዛቤ ማስጨበጫ ገለፃ ያደረጉ ሲሆን በመድረኩ ላይም ተሳታፊዎች የፆታ እኩልነትና ውሳኔ ሰጭነትን በቤተሰብ ደረጃ በምን አይነት መንገድ እንደሚተገብሩት የሀሳብ ልውውጥ ተደርጓል፡፡ ከዚህም ባሻገር በፕሮጀክቱ በታቀፉ የገጠር ቀበሌዎች በሚደረጉ ጠንካራ የማኅበረሰብ አቀፍ ውይይቶች ተጠቃሚ እንደሆኑ በመድረኩ የተሳተፉ አርሶ-አደሮች ገልፀዋል፡፡

2-1                       

በተጨማሪም በቤተሰብ ደረጃ የጾታ እኩልነት እንዲሁም የጋራ ውሳኔ ሰጪነት እንዲዳብር የወንዶች ተሳታፊነትን ማሳደግ፣ የጋራ ሀብት ላይ ፍትሀዊ አጠቃቀም እንዲኖር መስራት እንዲሁም የወጣቶች የሱስ ተጋላጭነትን መቀነስ ሊሰራባቸው የሚገቡ አበይት ጉዳዮች መሆናቸው ተነስቶ፣ ውይይት ተደርጎባቸዋል፡፡

45

በመጨረሻም በግንዛቤ ማስጨበጫ ውይይቱ ላይ የተገኙት የአንኮበር አየር ንብረት ለውጥና የኑሮ ማሻሻያ ፕሮጀክት ተጠሪና የልማት ስራ ባለሞያ የሆኑት አቶ ወርቅ አገኘው መርሀ ጥበብ በወረዳው የሚገኙ አርሶ-አደሮች በፆታ እኩልነት ላይ ያላቸውን ግንዛቤ ማዳበር እንዲችሉ የዚህ ጉባኤ ተሳታፊዎች ልመድና እውቀታቸውን ለሌሎች በማስተማር የበኩላቸውን ሚና እንዲወጡ መልእክታቸውን አስተላልፈው የፕሮግራሙ ፍፃሜ ሆኗል፡፡

https://www.facebook.com/EOTC.DICAC

 

 

‹ Back to List